جريدة موقعة الجمل: انفراد وحصريا اللجان الاليكترونية تعمل لتشوية الثوار فى مصر.

جريدة موقعة الجمل: انفراد وحصريا اللجان الاليكترونية تعمل لتشوية الثوار فى مصر.

كلنا راجعين يوم 9/9 ميدان التحرير وكل ميادين مصر

لمجلسخان اعتبر ان اهداف الثورة كلها انه فرجنا المخلوع وهو نايم ع السرير .. وبعد كده عايز يخرسنا و يخدعنا .. و لغاية ما يتمطع و يتنطع و يتمتع هو و اخوانه في الدين بالحكم و التحكم في ال ( محروسة ) .. و اللي فاكرينها هاتبقي ( مخروسة ) كما تصوروا .. ما هو دا شغل الفاشى لأخوه .. فالفاشيون اخوة لغاية مايتخانقوا و يفشفشوا و يشرشحوا بعض .. و المشهد ده اتذاع قبل كده مع عسكر 52 .. و لن يذاع المرة دي .. و نسيوا ثورة 25 يناير ال ( مفاجئة ) ...!!!؟؟؟
احنا نازلين المرة دى عايزين نحقق اللى طالبنا بيه قبل كده الف مرة من اول الثورة

لا للمحاكمات العسكريه للمدنيين تحت اى ظرف و الف لا لحركات الارهاب اللى ابتدوا يهددونا بيها من استدعاءو محاكمه للناشطين و اى واحد يقول لا للمحاكم العسكريه او يطلب حق الناس او يطالب بالحكم المدنى

حد الاجور و المعاشات الاقصى و الادنى و بجد مش ضحك على الدقون و مجرد علاوة يضحكوا بيها علينا علشان نسكت
الافراج الفورى عن كل المعتقلين و المحكومين السياسيين من ثوار 25 يناير اللى اتحكم عليهم من المحاكم العسكريه و عرضهم امام محاكم مدنيه لو كان هناك اى ادله على ادانتهم
نازلين علشان ما يفضلوش يلاعبونا حاورينى يا كيكه كل ما نطلب نغير المحافظين الفاسدين و اتباع الفلول و يصروا يحولوها لمجرد عمليه انتقالات اللى هناك يجيبوة هنا و دمتم
نازلين علشان محتاجين تطهير بجد
تطهير الداخلية مش حركه معاشات و نصها من الاشراف
تطهير الاعلام
اقالة النائب العام و تطهير القضاء و استقلاله
اقالة رئيس الجهاز المركزى للمحاسبات
اقاله كل عنصر من الحزب الوطنى لازال مسيطر على موقعه القيادى و بخرب فى البلد
نازلين عشان الداخلية زى ماهية و ب تشغل معاها البلطجيه.. نازلين عشان الإعلام يقول مواجعنا مش يضللنا و يضحك علينا زى ما بيعمل لغايه دلوقتى

نازلين عشان نغير قوانين السلب والنهب بتاعت .......المرور.....والضرائب​ ....ونلغى الحصانة بتاعه اصحاب النفوذ و اغنياء النهب
نازلين عشان منقفشى تانى في الطابور على .......العيش ....البوتاجاز.... والمعاش... والمرورنازلين نعمل دستور يحمى كل مصري من ظلم النظام ونعرف نحاكم اللي يغلط و عشان كده موافقين على المبادئ الحاكمه للدستور و احنا عارفين انها بتحافظ على هويتنا و مالهاش علاقه بالماده التانيه زى ما بيحاولوا يقولولنا ويخدعونا 
نازلين عشان نرجع فلوسنا .. وأرضنا..... وشرفنا ...و مش حنقبل يضحك علينا تانى او نجبر بالضرب و التخويف اننا نمشى قبل ما نحقق اللى عايزينه لبلدنا

و انت كمان : لازم تنزل علشان شيخ المنصر راكب لازم تنزل علشان عدل ميزانك غايب

لازم تنزل علشان اللى بيحكم غايب
لازم تنزل التعليم مبقاش مجانى لازم تنزل الاندال راح ترجع تانى
لازم تنزل دوا حكومتنا بقى بيعيي
لازم تنزل علشان تشرب ميه نضيفه لازم تنزل دى المعاشات
قرش و تعريفه
لازم تنزل دى السلبيه اثرها خطير 
يسعدنا انضمام الشعب بالضغط هنا ثم لفتح الايفنت والضغط على attendingانضم الان الينا واشترك فى الحدث
تحالف القوى الثورية

هل تستحق اسماء محفوظ ما حدث لها اليوم ؟

ما رايكم فيما تم لاسماء محفوظ !! 

ارى ان ما حدث للناشطة اسماء محفوظ اجهاضا للثورة المصرية ففى نفس الوقت الذى تتم فية المحاكمات لرموز النظام السابق مدنيا

يتم محاكمة شباب الثورة الذين اسقطوهم عسكريا 

اود سماع ارائكم

ضد فساد القضاء وقفة احتجاجية امام وزارة العدل يوم 15 الساعة 11 صباحا

ادعوكم من تحالف القوى الثورية وادعو كل الكيانات المنضمة الى وقفة احتجاجية للقضاه الذين تم استبعادهم من القضاء 

فى عهد المخلوع مبارك بتقارير امنية وحكم لهم القضاء الادارى والدستورى بالعودة ولا يريد الوزير بتنفيذ حكم القضاء 

ان عدد هؤلاء القضاه اربعون قاضيا تم ايقافهم لاسباب مختلفة والجميع عبر تقارير امن الدولة سنذهب معهم لمساندتهم ومساندة 

الحكم القضائى نرجو من الجميع النزول معنا

موعدنا يوم 15 الساعة 11 صباحا امام مقر وزارة العدل 

اضغط هنا لمتابعتنا على الفيس بوك واشترك فى الحدث

الحرية لاسماء محفوظ

نعم انة عنوان صعب وان الاخت اسماء محفوظ تم ارسال لها جواب استدعاء للنيابة العسكرية للتحقيق معها دون معرفة السبب
الامر الذى يثير الجدل
ولو انى ادعوا الاخوة والاخوات للتفكير فى الاتى
هل الاستدعاءات العسكرية حدثت من قبل لكبير الفاسدين وهو الاولى بالاستدعاء لانة (الحاكم العسكرى )
وهل تلميذ مبارك ينفذ الاحكام والاستدعاءات على المدنين لكى يعرفنا انة يملك السيطرة على الامور
وهل عندما سالنا المجلس العسكرى الفاسد عن محاكمة مبارك لم يتدخل فيها وقال القضاء يحكم بينة وبين الشعب
بمعنى الاصح ان المجلس العسكرى يلعب دورا غريبا لم نعرفة الى الان
ولذلك قررنا الذهاب صباحا مع الاخت اسماء محفوظ الى مقر مجمع المحاكم بمدينة نصر الحى العاشر النيابة العسكرية صباحا
لنعرف اللغز وهنرجع تانى واسماء معانا
الاحد 14 اغسطس 9 صباحا : امام مقر النيابة العسكرية بالحى العاشر مدينة نصر

مهزلة ريمة اللى رجعت لعادتها القديمة

مفاجاة كبرى اضغط هنا لتعرفها


ادمن تامر عطاالله

سؤال حد يجاوبنى علية من ضباط الشرطة

تعجبت كثيرا عندما رايت قنابل مسيلة للدموع تم شرائها من قبل وزارة الداخلية وتم استعمالها فى يوم 29/6/2011 بميدان التحرير وفوجئت عندما وجدت تاريخ انتاجاها مايو 2011 بمعنى انة تم دعم الداخلية بمبالغ خيالية وسيارات جديدة و تجديدات شاملة بكل ما هو قديم بمعنى اصح استغلال الثورة فى ان كل حاجة تلفت (روبابيكيا) وانتم تعرفون ملوك الخردة فى مصر والصفقة التى تمت
هل للواء منصور العيسوى عرض تفاصيل تلك الصفقة على الشعب ولا دى كمان سر حربى
وهل عجلة الانتاج كانت تحتاج الى حتى نصف الدعم المقدم الى الشرطة
وهل تعديل مرتبات الشرطة اولا كان لان الشعب خايف ؟ اصلة فى انفلات امنى
وهل الانفلات الامنى مقصود او متعمد ولا خوف من البلطجية
احب ان اذكر لكم بعض المشاهد التى رايتها واعلمها جيدا
ان الشرطة تعلم من هم البلطجية واين يسكنون ومعها ملفات كاملة باسمائهم وغير الملفات هم معروفين من قبل امناء الشرطة وضباط المباحث
ان الشرطة تعلم اماكن شقق ودواليب بيع المخدرات وتعلم من هم القائمون عليها وكانوا يقومون بالاقتسام معهم قبل الثورة
ان الشرطة تعلم جيدا اماكن بيوت الدعارة وكانت بالمعنى العامى رافعة الاريل و نكتفى بهذا القدر
ان الشرطة تعلم جيدا من هم بلطجية الحزب الوطنى وكانت تؤمن لجانهم وذلك بمكافئات تفوق الخيال
ان الشرطة والجديد ان ايام حظر التجوال وخصوصا فريق رؤساء المباحث الكرام كان لهم مواعيد للحظر وللشعب مواعيد للحظر
بمعنى ان الحذر كان الى الساعة الخامسة او السادسة للشعب والشرطة تبدأ فى النزول الى الشارع بعد حظر التجوال الخاص بالشعب
والى الان الشرطة لن تنسى ما حدث لكسر شوكتهم والى الان سيتم الانتقام من الشعب اشر انتقام
وسيحكم التاريخ بينى وبينكم ان لم تتخذوا حذركم من هؤلاء الاشرار
والحل من وجهة نظرى هو
تعين رئيسا لكل قسم  شرطة من اعضاء هيئة التدريس بكلية الحقوق للاشراف علية ويكون مسئولا امام الشعب عن افعال تلك الندلاء
تدريب صغار الضباط الشرفاء على محاربة الفساد والبلطجة ودولايب المخدرات وبيوت الدعارة التى كان رؤساءة يتقاسمون الارباح معهم
عمل هيئة رقابية من القوات المسلحة المصرية على وزارة الداخلية


تامر عطاالله